هناكل ايه النهاردة؟
هناكل ايه النهاردة؟ 🍽
السؤال اللي مبينتهيش مهما مرت السنين!
المصريين مهتمين من زمان بالأكل من أول مائدة الأكل لحد القرابين وأحتفاظ المصريين بالأكل مع دفن الميت عشان حياته القادمة, نتج عن الإهتمام الكبير ده توارث وجبات وأصناف على مائدة الطعام المصرية لاكثر من 7 الآف سنة تعالو نشوف مع بعض 5 وجبات لسه لحد موجودة على السفرة المصرية من 7 الآف سنة لحد النهاردة!
أول حاجة هي الطعمية, من مشوار المدرسة للجامعة للشغل, مفيش حد فينا مكانتش الطعمية جزأ من فطاره في يوم من الأيام, الطعمية مكانتش بس مقتصرة على الفلاحين في مصر القديمة أو العمال لأ كمان كانت طبق مهم على طاولة الملوك والنخبة في مصر لطعمها الحلو اللي كلنا عارفينه😋
تاني حاجة هو العيش, بالرغم من أن الشكل الحالي للعيش مش هو بالظبط اللي كان بيتقدم في مصر القديمة لكن هو تقريبا نفس طريقة الصنع والمكونات مع اختلافات بسيطة, بص هو بنينا حضارة واهرامات وكل حاجة لكن مينفعش طعميه من غير عيش جمبها مزاجنا المصري كدا يا اخي 🤷♂️
تالت حاجة معانا احلى شويتين هو المعمول, المصري من زمان بيحب الحاجات الحلوة بكوباية شاي بقا او من غير بس الحلويات كانت مهمة اوي في الوجبات المصرية, المعمول من الوصفات اللي متغيرتش شكلها ابدا لحد دلوقتي نفس الوصفة ونفس الحشو من مكسرات او تمر وعسل ولسه حلو زي زمان كمان😋🍪
رابع حاجة هي الملوخية بالأرانب, تقريبا مفيش حد في مصر ميعرفش ان الملوخية أكلة ملوكي من التراز الأول! الملوخية معروفة من زمان ان المصريين القدماء كان بيقدموها للملوك بجانب لحوم او طيور او حتى أرانب, على مر العصور أنتقلت الملوخية من وجبة ملكية, لطبق مهم في كل بيت في مصر 🍲
خامس حاجة هو طبق بتنفرد بيه مصر على مر التاريخ لدرجة أن أقدم وصفة موجودة لحد دلوقتي على أوعية الفخار, الـبسطرمة أقدم وصفة بسطرمة على الأرض كلها اتوجد في المقابر الملكية, والوصفة كمان كانت سهلة تجفيف اللحم وتتبيله بالكمون والكزبرة وبذور السمسم وبيسيبوه في الشمس وبالهنا والشفا! 🥩
مفيش مصري مبيحبش الأكل شاركنا ف الكومنتات بأكلات تعرفها انها من وقت اجدادنا للنهاردة؟👇