الرياضات في مصر القديمة
توابيت ومعابد وأشياء أخرى⚰️...
بالرغم من شهرة المصري القديم ببناء الأهرامات كـ المدافن والمعابد والأهتمام الكبير بالحياة الأخرى, لكن ده مبيعكسش نظرة المصري للحياة ابدا!☀️
المصري اهتم بكل مظاهر الحياه وكان أهمها الرياضة!
الرياضات المصرية بتمثل جزأ كبير جدا من الالعاب اللي لسه بيتم ممارستها لحد دلوقتي والنهاردة هنتكلم عن أشهر 3 العاب اوليمبية بنكهة مصرية وطريقة لعبهم وقتها🤾🏹🥊
أول لعبة كرة اليد🤾, كانت واحدة من اشهر اللعب اللي كان بيتم ممارستها على مستوى شريحة كبيرة من المجتمع, نشأءة اللعبة ارتبطت بالبنات بشكل كبير وكان بيتم ممارسة اللعبة عن طريق تكوين فريقين وكل فريق بيتملك كرة وبيتم رمي وتجميع الكرات, وكانت رياضة حماسية بشكل كبير لأن كان ممكن لللاعب الجري او صعوده على كتف احد اللاعبين في فريقه,
تاني لعبة هي الرماية🏹, وتحديدا بالقوس والسهم, أشتهرت الرماية بشكل كبير بين الأمراء والملوك وكان اشهرهم الملك أمنحتب الثاني اللي سجل أنجازه بأختراق وسط هدف نحاسي ب أربع سهام وحدد جايزة كبيرة لأي شخص يقدر يكرر أنجازه ده.
تالت لعبة وهي الملاكمة🥊, تم تصوير مشاهد لمباراة ملاكمة في مقابر مختلفة أهمها مقبرة الوزير "بتاح حتب" وده بيأكد انها كانت بطولة منظمة وكان ليها بحضور رسمي.
اهتمام المصري القديم بصور الحياة كان بيعكس ثقافته الكبيرة ووعيه وقدر يقدملنا لمحة مش صغيرة عن قدرة المصري القديم على حضارة كبيرة أبتدت من اهتمامه بالعنصر البشري وواحدة من العبارات اللي اتذكرت بخصوص الرياضة هي "إذا عشت بشكل جيد ، ستعيش إلى الأبد في جنة العالم الآخر"😇