الألوان في مصر القديمة
العلبة دي فيها بيض! 🥚
في المتاحف والمعابد وحتى في المقابر تحت الأرض الالوان المصرية صمدت من الآف السنين لحد دلوقتي لكن ازاي🏺🏛️؟
المصري القديم اهتم بالالوان بطريقة كبيرة, من اول طريقة التلوين او حتى تحضير الالوان نفسها, والعملية دي تطورت بشكل كبير على مدار أسر الحكم المختلفة لحد ما قدر المصري يبتكر اول لون من مركب عرفه البشرية بشكل شبه كيميائي, وهو سيليكات نحاس الكالسيوم او المعروف ب "الأزرق المصري"💙.
المصري قدر يصنع الالوان ويبتكرها بتطور كبير وكمان قدر يحافظ عليها وده بسبب الاهمية الكبيرة للألوان🎨
والحفاظ على الالوان بيرجع للخلطة اللي بيتكون منها اللون زي استخدام
صبغات من أصول معدنية ومنها أكسيد الحديد للون الأحمر – أكسيد النحاس للون الأزرق وكمان كان بيتم إضافة اصماغ نباتية ، أو بياض البيض ، لزيادة تماسك اللون وده ده السبب فى بقاء الألوان لحد دلوقتي✨
وفي عوامل تانية مهمة زي إغلاق بعض المقابر بشكل محكم وده حافظ على وجود هواء دافئ جاف مأثرش على صفاء الألوان
شاركنا في الكومنتات ب ايه اكتر لون تفتكر انه كان مستخدم في الحضارة المصرية👇