الأعشاب في مصر القديمة

بص هو مهما كنت تعبان من ايه بس مفيش حد فينا ماما مقالتلوش الجملة دي, 
طبعا ماما مبتقولش حاجة غلط معروفة يعني!🤷‍♀️

مع كامل احترامنا لحقوق الملكية الفكرية لماما لكن أرتباط العلاج بالأعشاب هو أرث مصري ممتد لأكثر من 7 الآف سنة!⏳

ا-لمصري القديم كان مرتبط بالأعشاب بشكل كبير, عشان كدة استخدموها في الطب التشخيصي والعلاجي, و كمان المشروبات اليومية.🌿🥃

هنتكلم النهاردة عن 3 مشروبات عشبية استخدمناها من 7 الآف سنة لحد النهاردة

أول حاجة اليانسون, اتعرف زمان باسم "انست" اتذكر في احدى البرديات انه بيستخدم لعلاج وإنعاش القلب ذُكِر لعلاج آلام المعدة وآلام الأسنان🦷

تاني مشروب هو الحلبة, اتعرفت زمان باسم"حمارت" من زمان ولحد دلوقتي بيتم إستخدام الحلبة في تصنيع بعض انواع الخبز بأشكال مختلفة, واستخدمها المصري كمان في الوصفات الطبية، عشان تساعد على الولادة، كان بيتم نصح السيدة الحامل أن تشرب الحلبة طوال اليوم قبل الولادة،🤱🏻

واخيرا الشعير, وده واحد من اقدم الاعشاب اللي عرفها المصري القديم, مش بس بسبب استخداماته الطبية المختلفة, لكن الشعير كان عنصر مهم في تصنيع الخبز ومشروبات مختلفة زي البوظة أو "الجعة"! 🍺

شاركنا في الكومنتات وقولنا ايه المشروب اللي بتعتقد لو كان موجود في وقت المصريين القدماء كانو هحيبوه؟👀